وش كان ما تدري لو علل الحكي زلاته
وبــرر المعنى ســـوالف تكشف الـــــحال
لا تضن العشق جــــارح وللحب غلطاته
وللدنيا هــوا يـــزول لو مهما طال
علم غرامـــك مات الغـرام و رجواته
مــا عـــاد تــقــوى تناديلك تعال
الــفـــعــل وش يجزيه غير ســواته
والــظــن دوم يعميه بــعـض المحال
وش كان لا إدري.. شوف العشم وهقواته
و شوف يمين الصــدق لما تصافح شمال
قلب طاوعه حــســن الــظــن بنياته
وظنونك إنتا بطريق النيات طــــوال
وش كان ماتدري حبي لك هاذي نهاياته
وعشقي الـــي تخبره من القلب إنزال
والهوى والغــرام والحب ماتت فتاته
والحـلـــم حلم .. يفز النوم ينشال
تمحي الليالي وقــت عـــدا وش فاته
غير مـــاضي في العمر ناصبله تمثال
جيتك عشق ليه ما تدري .. وش صـفاته
ملت الــمــلامح ترتجي مـــوت الأطلال
لميت الجرح وحدي وماعاد تلقى رفاته
من طـــاح عالي .. يخشى يعتلي جبال
لا يهمك قطار العمـــر .. وش فــاته
وايــامـــك فيها فرح لو كانو قلال
وش كـان ماتدري .. حبك راحت اوقاته
والهوى وعشقك مــــــن القلب انشال
ما عاد يغري شوق وملح محلي شـفـاته
ولا يهزني منه .. خجل نــاقـــص دلال
حتى الخافق لا طرى بـالـــــي صفاته
بحاول أنـــــي امحيه حتى من البال
وش كان ما تدري لـــــو العمر فاته
وقت ليه عدا بين العمر وجـرحك مثال
متعب السلمان
ليست هناك تعليقات:
إرسال تعليق