ما أطيق انادي الجرح .. موجوع
وان اكثرت فيني جروحي وكتمتها
على طاري الجرح .. غير الموضوع
وامحي كل كلمة .. على سطري كتبتها
ما اطيق .. جرحٍِ ..للنفس يلوع
وجروح .. من جرحي .. جرحتها
ما اطيق .. اشوفك .. والحكي مسموع
تقول واقول .. ونعيد .. جروح شفتها
شالفايدة من قلب .. منه النبض منزوع
وش فايدة دمه .. وهو روحه فقدتها
من جحر .. لو كنت .. ثاني مره .. ملسوع
تطيق تكون .. من الأمل .. إحتجتها
أصل الالم .. لولا الجرح .. يعلن رجوع
تطيق . يدينك .. نفس الجحر .. ثالث مره لسعتها
أسمعك مابين الكلام
تقول الحكي وتمتمه
وش بغى بعض الملام
يناديي الفضا يشمشمه
بغى الظلام
ليلة .. قدر معتمه
تشوف الشعاع ضام
حكي منك .. لو تكللمه
مابغت الذات إتنام
ولا وفا واجب تكتمه
رضا الله ثم هالكون .. بإلزام
ترضى الدنيا وهي منها الفعل ما تكتمه
ماينسى الحرف .. من قوله الكلام
ولاصمت منه الحكي تذممه
منك مبسم ينادي.. الغرام
بركان .. بصدى ريان .. الطيب يحممه
ويجمع منك السلام ..
الخير منك يلهمه
وش بغى الوقت من العمر إلزام
غير انه يمر .. وتعلمه
الخير مايموت .. يجيك في قبرك بإلتحام
فعله يقول .. اسكت .. والكلام تسلمه
وعد في البيت الحرام
بإعتكاف .. والدعاء لك أحلمه
بين ركوعي وسجودي ..ومع صيحة الايمام
لك الدعاء بيكون.. لنفسي أسلمه
الرحمه عليك .. عساك في الجنة تنام
بإذن الله .. شهيد.. الطير تكلمه
يارب تمنى .. في بيتك يكون ..بإحرام
قال الشهاده ..واستجاب الله ..بإلي يكتمه
والله القادر .. على مانكون بالختام
يارب حسن الخاتمه .. قبل الموت .. ما تلهمه
ما بقى شي .. ابكي عليه
الدمع جف .. والغالي لربه راح
واحس بروحه يمي هنا وانا فيه
الدمع يجف ولو يخف.. القلب صاح
اكابر الدمعه .. وانا .. بوحدتي ابكيه
تناديني روحه .. بالله .. كافي صياح
واذكر افعاله .. واحس كل حولي يمليه!
تاخذني الذكرى .. معه بكل صباح
اذكر كلمته .. الي تشوفه صح.. سويه! ..
ترا الله .. كريم.. ولغيره لاترجي سماح
مايعرف الغدر .. ولا الطعن يسويه
يحمي بظهره عن الناس الرماح
وافي .. طبعه راقي .. والخير يعتليه
بالطيب .. لابس الطبيبه .. وشاح
اذكر ايه ولا ايه .. وكل خير بعدالله فيه
هنا وهناك وبين المسافه ..الخير يجتاح
افعالك تبقى خير يذكرك والله ندعيه
يرحمك برحمته ..وفي الجنه ..شهيد مرتاح
الله يرحمك ويغفرلك
ضميره حـــي دايــم يلتقي بالـخير
منه العطا بقلب .. ومــا قد إحــتار
مــن طيبته .. يسقي حـتى الـــطير
للماي طعم سكر اذا يسقي إختار !
فـــــي شيمته .. فـــزعــاتــه تغير
تــجــيك اكبر من انها تجي كــبار
عــلــى درب الــــوفاء طبعه يسير
وهي جملته .. الطيب ما يشوف أشرار
الدمعه لــولاها .. بعدالله تبقى ضرير
والضعيف الي .. وقت البكاء .. ما ينهار
الكون أن وسعت أرضه .. مستدير
والصح لازم .. يلاقي .. للغلط أعذار
ومن جملته .. إلا أثنين .. عنهم ما ادير
ظهري وهم.. مني .. شي صار!
أمي وأبوي .. والي يحبني في الاخير
الطير في حكم القدر .. تلقاه طار
ومن بسمته إحساس يقول ياطير لاتطير
ويلتقيبه في سما .. غيوم و نهار
ابحكي إلي علمتني.. وأذكرك بالخير
يسكنك ربي الجنة شهيد .. ويبعدك عن نار
طيب الله ثراك .. يالله .. طالبك قبره تنير ..
واسكنه في جنتك .. بكرمك يالله .. بين انهار
يارب حسن الخاتمة في اليوم الاخير
يارب قال الشهادة .. وهو بين موج وإعصار
( الله يرحمك ويغفرلك يا ريان بخاري )
رحت لله .. يابختك بإذنه الله شهيد
منزلك الجنة .. وتستاهل الخير
الله يرحمك ويغفرلك
