كلن يعرفه ريان
صح إني ما عاد بشوفك الآن ؟
صح إنك رحلت بليلة غيوم ؟
صح إن الغرق .. من الله إحسان ؟
وبإذن الله .. شهيد .. مرحوم
كنت إعصار .. صايم رمضان
قلت للموج وحدي ! والقدر .. محتوم
بين السحاب يصارع الريح .. ماخان
شفوه عند البحر .. مشمر كموم
عند الجد .. يفديك أبدان ..
من نخوة .. تاقف ..للتقدير .. إعلوم
طيب للكل حٍــبّـــيّــبٌ .. ماهو جبان
عند الفزعة .. تلاقاه .. وافي خدوم
في الخير كلن يعرفه ريان
قبل القول .. الفعل منه يقوم
للخير هقوات .. تسافرك أوطان
وللصدق .. كانك حكيت .. للذات ملزوم
للروح شفت القلب .. يفديه شريان
ويكن لك الخير .. ولسانه كتوم
منه شفت الطيب .. يلمحه ويبان
عليه كل الوفا فيه مرسوم
رحمة الله عليك .. يا أغلا إنسان
والدعاء لك .. لأفعالك يدوم
رحمة الله عليك .. مع كل أذان
بإذن الله ..شهيد .. ويلحقك هاليوم ..
مرحوم ياطيب الكون .. في شهر الايمان
في ليلة القدر .. شاء الله.. مرحوم
اأستكثر العيد ولقاه في رمضان
بكرم ربي .. عساه .. شهيد يحوم
جنة الخلد .. ياالله .. أسألك هالمكان
ومنا الدعاء لك ..عهد .. دايم يدوم
ليست هناك تعليقات:
إرسال تعليق